Manipur-ah Myanmar-a Covid damdawi tawlhluh tum mi 3 man

Manipur-a security force-te chuan Myanmar rama Covid damdawi Remdesivir bakah Covi­shield vaccine leh damdawi dang ṭhahnem tak tawlhluh tumtu mi pathum an man.

Security force-ten an mante hi Mohammad Feroz Khan, Imran Khan, leh Shubham Kumar Anand niin, local court chuan August 27 thleng police custody-a awm turin a thawn.

Official chuan National Highway 2-a Heeijingang Super Market bula motor an endiknaah heng damdawi phurtu motor leh a neitu mi pathumte hi man an nih thu a sawi. Thu zawhfiah an nih hnuah Moreh border kaltlanga Myanmar rama thawn an tum tih an inpuang a ni.