Sum lakluh phu loa hausa Assam ACS officer man

Assam police-te chuan a sum lakluh phu loa hausa, Assam Civil Service officer Saibur Rahman an man.

Chief Minister Special Vigilance Cell chuan an chhui chiannaah, Saibur Rahman movable leh immovable asset, cheng vaibelchhe 6.38 chuang hu bakah, amah leh a nupui hminga dah ram 89 a nei bawk tih an hmuchhuak a ni. A thil neih hlut zawng hi cheng vaibelchhe 100 chuang a tling. A hausakna 95% hi a sum lakluh nena inphu lo nia sawi a ni.

Vigilance Cell hian Dhubri-a Additional District Magistrate ni lai, Rahman hian dan kalhin ram tam tak a nei niin complaint a dawng a, hemi hnu hian Chief Minister Office thupek angin chhui zui a ni. Kum 2002, June thla aṭanga kum 2021, April thla chhunga a sum lakluh leh a thil neihte chu chhui a ni a, hemi chhung hian dik lo taka sum a la lut tih finfiahna leh documentary te an neihhnuah Rahman hi an man ta a ni.