Union Finance Minister-in Tripura a tlawh dawn

Union finance minister Nirmala Sitharaman chuan vawiin hian ni hnih cham turin Tripura-ah a zin dawn a, a cham chhung hian state sorkar hotute meeting a neihpui bakah project hrang hrang a hawng bawk ang.

Kum 2018-a Tripura-a BJP-IPFT ṭangrual sorkar a din hnuah Sitharaman-i'n a tlawhna hmasa ber tur a ni. August 18 khan Maharaja Bir Biram Jayanti hmanpuia zin a tum a, mahse Afghanistan buaina chungchangah cabinet meeting pawimawh neih a nih leh tak avangin a zin hun tur hi a sawn hla a ni.

Union minister hian state minister leh official-te chu meeting a neihpui dawn a, Emergency Assistance Projects review an nei dawn a ni. Agaratala khawpui dai, Gandhigram-a COVID Care Centre a tlawh dawn a, state chhunga Covid vaccine pek chhuah kalpui a nih dante a enpui bawk ang.

Cheng vaibelchhe 151 hu, project 11-te chu Minister hian a hawng dawn a, heng zingah hian North Eastern Region Power System Improvement Project (NERPSIP) hnuaia siam Mohanpur-a 132 KV sub-station pawh a tel dawn . He project thawhna tur senso, Rs vbc 38.03 hi World Bank-in a tum a ni.

Jal Jeeven Mission (JJM) hnuaia chhungkaw 50,000 hnena tap water connection pek leh, Rs vbc 66 senga drinking water supply scheme 132 siam pawh a hawng bawk ang.