Assam-a Dima Hasao-ah helhoin truck an bei, mi 5 an thi

Assam-a Dima Haso disrict-a Diyunbra bulah Ningani zan khan Dimasa National Liberation Army (DNLA) helpawl nia hriatten truck pasarih an bei a, mi panga an thi.

Assam police-te chuan helho hian truck driver leh midang awmte chu an kah hnuah, truck pasarih an hal tih an sawi. He thil thlenna hmun hi Umrangsu Lnka Road-a Rangerbeel hmunah niin, security force-te tirh nghal an ni. Inbeihna thlenna hmunah hian ruang panga leh silai mu kahchhuahte an va hmu a ni.

Dima Haso district SP, Jayant Singh chuan thu an dawn danin pawikhawihtutte hi mi panga an ni a, truck-te hi silaia an kah hnuah an hal zui tih a sawi. He thilah hian NLA helpawl chu an inhnamhnawih ngei nia an hriat thu a sawi bawk.

Police leh Assam Rifles sipaite chuan pawikhawihna thlenna hmun hi an dap nghal a, thil thlen dan pawh chhui chian mek a nih thu Singh chuan a sawi.

He thil thlenna hi Assam khawpui, Guwahati aṭanga km 200 chuang awrha hlaa awm a ni a, truck-te hian lungalthei leh beih an tawhna bula cement manufacturing plant bungrua turte an phur a ni.

Kum 2019-a din, DNLA hi Dima Hasao leh Karbi Anglong district-ah an che tla ber a, hei bakah hian Nagaland state hmun ṭhenkhatah pawh pawikhawihna an thlen ṭhin bawk. DNLA hian Dimasa hnam tan independent ram an sual a ni.