Tripura zirlaiten online exam buatsaih thuai turin phut

Tripura education department-in goverment degree college online exam neih tur a ṭhulh leh avangin zirlaite chuan Ningani khan memorandum an thehlut a, exam neih tur hi tidanglam lo turin an ngen.

Education department chuan a hmain September 6 aṭangin online mode-a exam neih a nih tur thu hi a lo puang tawh a ni. Mahse state chhunga hri lengin ziaawm lam a pan hnua zirna in hrang hrangte hawn a nih leh tak avangin thupek thar hi a siam leh ta a ni.

Ningani khan district hrang hranga college zirlaite chuan online exam ṭhulh tumna chu sut leh tur leh, ruahmanna an lo siam tawh anga kaltlangpui tura an phut thu an sawi. Agartala-a education directorate kawtah zirlaite hi pungkhawmin, hri leng vangin kum khat hun an hloh tawh thu an sawi.