Manipur bomb puakah Army 1 thi, 3 hliam

Manipur-a Tengnoupal district-a Thawhlehni zana bomb puakah Army jawan pakhat in nunna a chan a, midang pathumin hliam an tuar bawk tih Nilaini-a police thuchhuah chuan a tarlang.

Police-te chuan bomb hi hel pawl tihpuah a nih ngei an rin thu an sawi a, Mynamar ramri bula Phaisenjang thingtlang khuaah a puah thu sawiin army patrol lai taka puak a nih thu an sawi.

Thawhlehni zan vek hian Kamjong leh Imphal West district-ah pawh bomb puak a awm thu sawiin thi leh hliam erawh report a awm lo a ni.