Ngunhnam nen inkhawm lai tibuai

Meghalaya Chief Minister Condrad K. Sangma-a minister 11-te mawhphurhna chan tur chu tihfel a nih tawh thu official-te chuan Ningani khan an sawi.

Official thuchhuah chuan cabinet in portfolio an insem dan list hi Raj Bhavan-a an thawn tawh thu leh Governor Ganga Prasad-a pawhin a pawmpui tawh thu an tarlang.

Chief Minister Conrad K. Sangma hian finance, planning, leh personnel bakah depart­ment ṭhenkhat amah hian a chang dawn a ni. Inthlan hma lawka Congress chhuahsan zinga mi Prestone Tynsong chuan roads, parliamentary affairs leh labour-a chang dawn thung.

Sniawbhalang Dhar chuan transport, indus­tries and community leh rural development-a chang dawn a, Comingone Ymbon chuan buildings, government administration department leh fisheries an chang dawn thung.

National People’s Party (NPP) MLA James K Sangma chuan home, food and civil supplies leh district council affairs-a chang dawn a, BJP MLA A L Hek chuan health, arts and culture and Information leh Public Relation a chang dawn thung a ni.

UDP minister pathum Metbah Lyngdoh, Lahkmen Rymbui leh Kyrmen Shylla-te chu tourism, border area development leh social welfare chantir an ni ve bawk.

Peoples Democratic Front minister Banteidor Lyngdoh chuan agriculture, sports and youth affairs changin Hamlet Dohling chuan urban affairs leh information technology a chang a ni.

Hills State People’s Democratic Party minister Samlin Lyngdoh chu public health engineering leh secretariat administration chantir a ni ve bawk.