Tripura Minister-te portfolio tur tifel

Tripura Chief Minister thar Biplab Kumar Deb chuan Inrinni khan minister-te portfolio chan tur a tihfel a nih tawh thu sawiin, Dep hian department pawimawh tak tak Home, PWD leh Industries-te a chang dawn.

Deputy Chief Minister Jishnu Debbarman chuan Finance, Power leh Rural Development department-te a chang ang.

Indigenous People’s Front of Tripura (IPFT) President Narendra Chandra Debbarma chuan Revenue leh Fisheries Department a chang dawn a, Ratan Lal Nath chuan Education department changin, Law chuan Minorities Welfare a chang ve thung dawn a ni.

Congress MLA, BJP zawm ta Sudip Roy Barman chuan Health and Family Welfare, Drinking Water and Sanitation bakah Information Technology Department a chang dawn bawk.

South Tripura lam mi Pranjit Singha Roy chuan Agriculture, Transport leh Tourism department a chang dawn a, Manoj Kanti Deb chuan Sports and Youth Affairs, Food, Civil Supplies leh Consumer Affairs Department-te a chang dawn.

Hmeichhe minister awmchhun Mevar Kumar Jamatia chuan Social Welfare leh Social Educa­tion bakah Animal Resource Development Department-a chang dawn a, IPFT minister tho Mevar Kumar Jamatia chuan Tribal Welfare leh Forest department a chang thung dawn a ni.