Bangladesh President in Meghalaya a thleng

Bangladesh President Abdul Hamid chuan Zir­tawpni khan Meghalaya thlengin India-Bangladesh border-a Balat khua a tlawh.

Hamid hi ni nga chhung India-ah hian a cham dawn a, nimina-a International Solar Alliance (ISA) Sum­mit, New Delhi-a neiha tel tura lo kal a ni.

Balat khua hi Meghalaya khawpui, Shillong aṭanga km 74-a hlaa awm niin Barat khuaa hun a hman zawh hnu hian Indian Air Force heli­cop­terin Pre­sident Abdul Hamid hi Shillong-ah hruai a ni.

Hamid hian Shillong-a a awm chhung hian 1948-1962 inkara Bengal Chief Minister Bidhan Chandra Roy-a bungalow a tlawh nghal a ni. Nobel laureate Rabindranath Tagore-an 1927-a Shillong a tlawh ṭuma a chenna Sidli House pawh tlawh bawk.

Abdul Hamid hi Go­vernor Ganga Prasad-an Zirtawpni khan zanriah a buatsaih sak a, Meghalaya-ah hian a riak nghal a ni.

Chief Minister Conrad Sangma pawhin Bangla­desh President hi a lo hmuak a, Hamid nen hian Meghalaya leh Bangladesh insumdawn tawn dan tur chungchang an sawi dun a ni.