FM-in Tripura-ah menstrual hygiene project a hawng

Tripura tlawha zin, union finance minister Nirmala Sitharaman chuan Inrinni khan mobile ATM a vailiam bakah, rural area tana menstrual hygiene project siam a hawng bawk.

Gomati district-a school ground-ah Sitharaman hian self-help group member-te hun a hmanpui a, he hunah hian chief minister Biplab Kumar Deb pawh a tel a ni.

NABARD leh NABFOUN­DATION ten menstrual hygiene project an siam, 'My Pas, My Right' project hmang hian district level-ah self-help group te chu sanitary pad making machine pek an ni dawn a, rural area-a cheng hmeichhiate hnenah inenkawl fai chungchanga zirtirna pawh pek an ni ang.

Union minister hian Tripura State Co-Operative Bank Limited mobile ATM van pawh a vailiam bawk. Mobile ATM hi South Tripura district-a gram panchayat leh thingtlang khua zawng zawngten an chhawr theihna tura siam tum a ni.