AP-a Assam mite PRC pe turin ULFA-I in phut

Assam helpawl, United Liberation Front of Asom - Independence (ULFA-I) chuan Arunachal Pradesh sorkar hnenah an state-a Assam mi chengte chu permanent residence certificare (PRC) pe turin a phut.

ULFA-I military chief Paresh Baruah chuan Arunachal Pradesh chief minister Pema Khandu hnenah lehkha thawnin, Assam mite chu kum tam tak an awm hnuah pawh PRC pek an nih loh avangin an chanvo dik tak pawh an hmu thei lo niin a sawi.

"Arunachal Pradesh chu an state-a Assam ṭawng hmangte chungah pawh a ngilnei hle ṭhin a ni. Mahse tunah chuan heng mite hi hmun dangah sawnchhuah mai thei dinhmunah an ding a ni," tiin AP-a piang leh seilian, Assam mite chu PRS hi an neih phalsak an ni lo tih a sawi.

AP-a pressure group hrang hrangte chuan non-APST( Arunchal Pradesh Scheduled Tribe) te chu APST ten chanvo leh hamthatna an neih angte pek tel ve loh an duh thu an sawi fo a, hei bakah state sorkar chuan AP atanga Chakma leh Hajong hnam sawnchhuah tum a nih thu pawh a lo sawi tawh bawk a ni.