Assam tuilianin mi nuai chuang a nghawng

Assam state-a ruahsur nasa avanga tuilian chuan district 11-ah mi nuai 1.33 chuang a nghawng tawh niin state disaster management agency bulletin chuan a tarlang.

Tuilenna district-te hi - Biswanath, Bongaigaon, Chirang, Dhemaji, Dibrugarh, Jorhat, Lakhimpur, Majuli, Sivasagar, Sonitpur leh Tinsukia te an ni. Brahmaputra lui leh a peng hrang hrang lian chu thingtlang khaw 243 ten an tuar mek a ni.

Bongaigaon leh Chirang district-ah tuilian tuar mi 6,217 te chu relief camp 66 ah an khawsa mek a, relief camp hi Dhemaji district-ah panga leh Tinsukia district-ah pathum siam a ni bawk. District hrang hrangah hian lui tui a lian a, hmun tam takah hlauhawm chhinchhiahna an pel tawh.