Meghalaya in Assembly Speaker thar nei

Nimin khan Megha­laya Assembly Speaker thar thlan a ni a, United Democratic Party (UDP) President Dr. Donkupar Roy chu Assembly speaker atan hian thlan tlin a ni.

UDP hi Meghalaya-a ṭangrual pawl, sorkarna siam hlim hlawt Me­ghalaya Democratic Alliance (MDA) hnuaiah an tel ve a ni.

Assembly speaker thar thlannaah hian vote 56 a tla a, Dr. Roy hian vote 35 hmu in hnehna a chang a ni.

Meghlaya Assembly Speaker thlanna turah hian nomination thehlut mi pahnih awmin Roy leh Congress hruaitu hlun Winnerson Sangma-ten speaker dinhmun luah tur hian nomination an file a, Sangma hian vote 20 hmu in hnehna a chang zo ta lo thung.

Vote thlak zawng zawng zingah hian vote pakhat chu pawm a ni lo a, KHNAM MLA Adelbert Nongrum chu Assembly session-ah a inlan lo bawk.

Roy hi UDP hruaitu zinga Assembly Speaker hmasa ber tur a ni a. chief minister dinhmunah hial pawh a lo ding tawh a ni.