Assam tuilianin ziaawm lam la pan lo

Assam-a ruahsur nasa avanga tuilian chuan ziaawm lam a la pan thei lo a, district 14-a cheng mi nuai 2.58 vel chu tuilian hian a nghawng tawh niin Assam State Disaster Management Authority (ASDMA) report chuan a tarlang.

Lakhimphur chu tuilian tuar nasa ber district niin, mi nuai 1.05 chuangin harsatna an tawk a ni. Majuli district-a mi 57,200 leh Dhemaji-a mi 35,500 velin tuilian hi an tuar mek bawk.

State sorkar chuan tuilenna district 10-ah relief camp 91 siam tawhin, heng hmunah hian mi 6,218 an awm mek a, an zingah hian naupang 2,180 an tel.

District thuneitute chuan tuilian tuar chhawmdawlna tur hian buhfai quintal 2,841.07, dal leh chini, tel litre 11.711.42, bawng chaw quintal 831.82 leh an mamawh dang ṭhahnem tak an sem tawh a ni.

Nagaon, Barpeta, Biswanath, Golaghat, Jorhat, Sivasagar, Dibrugarh leh Lakhimpur-ah tuilian hian kawngpui leh infrastructure te a tichhe nasa hle. Central Water Commission-in Pathiannia Daily Food Situation Report a tihchhuahah, Dibrugarh, Jorhat, Sonitpur, Goalpara, Kamrup leh Dhubri-ah Bharmaputra lui tui chu ṭum danga tuilian a thlen ṭum ai pawhin a lian tawh a ni