Nagaland Minister-te portfolio tur tifel

Nagaland Chief Minister thar Neiphiu Rio chuan Thawhṭanni khan Nagaland Council of Minister-te portfolio tur a puangchhuak.

Chief Minister Office (CMO) media leh communication cell-te thuchhuahin a tarlan danin Chief Minis­ter hian Finace leh Depart­ment of Personnel & Administrative Reform bakah policy issue pawi­mawh zawng zawng a chang dawn a, heng bakah hian portfolio dang, minister-te kuta dah loh ho zawng a chang ang.

Deputy Chief Mi­nister Y Patton chu Home Department bakah Natio­nal Highway chantir a ni a, G Kaito Aye chuan Agriculture leh Cooperation department a chang thung.

CM Chang chuan Forest, Environment & Climate Change leh Parliamentary Affairs a chang a, Neiba Kronu chuan Planning & Coordination, leh Land Revenue a chang ang.

Health & Family Welfare Department chu S Pangnyu-an a chang dawn a, P. Paiwang chuan Transport, Civil Avia­tion & Railways, leh Land Resources-a chang dawn a ni. Public Health Engineering department chu Jacob Zhimomi kutah dah a ni bawk.

Metsubo Jamir chuan Urban Deve­lopment & Municipal Affairs a chang dawn a, Tongpang Ozukum chuan Public Works Department a chang dawn thung.

Kashiho Sangtam chuan Soil & Water Con­servation, leh Women & Child Develop­ment a chang dawn a, Higher Education & Technical Education department chu Temjen Imna Along-an a chang dawn thung a ni.