Meghalaya : MDA sorkar in bud-get session-ah full budget pass dawn

National’s People’s Party kaihhruai Meghalaya Democratic Alliance (MDA) sorkar chuan Assembly budget session, March 16-a neih turah full budget pass an tum tur thu an sawi.

Chief Minister Conrad K Sangma chuan chuan Thawhṭannia cabinet meeting an neih zawha chanchinthar lakhawmtute a kawmnaah budget session neih turah hian 2018-2019 budget tur an pharh dawn thu leh, full budget pass an tum dawn thu a sawi bawk. CM chuan full budget hi an pass thei lo hlauh a nih chuan April aṭanga June thleng turin vote-on-account pass an tum tih a sawi a ni.

Sangma chuan Business Advisory Committee chu Assem­bly Business Session neih ni tur ruahman tur an nih thu a sawi a, Business Advisory Committee thutlukna siam an nghah thu a sawi bawk.

March 16-a budget session neih turah hian Governor Ganga Prasad chuan “Governor Address” a nei dawn nia tarlan a ni.