Assam in e-Budget hmasa ber tlangzarh

Assam Finance Minister Himanta Biswa chuan Thawhṭanni khan Assam tana a hmasa ber atan state e-Budget, defecit cheng vaibelchhe 2149.04 tel bawk chu Assembly-ah a pharh a, chhiah lakna tur thar engmah ruahman a ni lo.

Assam hi ram chhungah e-budget pharh hmasa ber dawttu niin Andhra Pradesh chu e-budget nei hmasa ber an ni thung.

Andhra Pradesh ang lo takin Assam hian an bugdet hi Google Play Store-ah an dah thung a, mi tupawh tana awlsam taka hmuh theih tura an dah thu Sarma chuan a sawi.

Budget-ah hian adva­lorem basis in electricity duty-ah chhiah 5% lak a rawt a ni a, stamp duty registration-ah 1%-a tihpun a rawt bawk.

Sarma chuan kum khat chhunga transaction estimate siam chuan estimate surplus cheng vaibelchhe 999.99 a nei thei dawn niin a sawi a, hemi belhkhawm bakah opening deficit cheng vaibelchhe 3149.04 an neih chu kum 2018-19 tawpah chuan cheng vaibelchhe 2149.04 a ni tawh dawn niin a sawi.

2018-19 budget esti­mate chuan Consolidated Fund hnuaiah cheng vaibelchhe 90673.42 a dah a, heng zinga cheng vaibelchhe 74118.50 chu Revenue Account ami a ni a, a la bang cheng vaibel­chhe 16554.92 chu Capital Account ami a ni thung.

Minister chuan budget hi hard copy mai bakah computer tablet hmanga digital format-a pharh a nih thu a sawi.