Assam sorkarin 2020-21 academic year atan Admission fee chawi tir dawn lo
Assam sorkar chuan 2020-21 academic year atan an state sorkar hnuaia university, college leh higher secondary school-ah admission fee a la dawn lo.
State sorkar chuan Covid-19 leng vanga inkharkhipna kal a nih avangin chhungkaw tam tak sum lakluh a tlahniam tih hriain, sum lama an harsatnate hriatpuiin he thutlukna hi a siam a ni.
Education minister Himanta Biswa Sarma chuan admission fee awl tur hian medical, engineering leh polytechnic zirlaite pawh a huam tel vek dawn tih a sawi. Prospectus leh admission form-te pawh a thlawn vekin online-in a hmuh theih tih a sawi bawk.
Education department chuan hostel-a awmte awmte tan mess fee Rs 1,000 a tum sak dawn a, zirlai zawng zawngte chu textbook leina Rs 1,000 a peksak ṭheuh dawn bawk. Admission form-ah zirlaite hian an bank detail ziak langin, sorkar chuan an account-ah pawisa hi a thunsak dawn a ni.
Nikuma Class 10 pass te chu computer pek an ni dawn a, kumina pass tharte chu an computer leina tur Rs 20,000 ṭheuh pek an ni dawn tih minister chuan a sawi bawk.