AP-ah IAF-in a transport aircraft lian ber ṭumtir

Indian Air Force chuan a transport aircraft lian ber C-17 Globemaster chu Thawhlehni khan Arunachal Pradesh-a China border bula Tuting airfield-ah a ṭumtir.

Air Force thupuangtu chuan C-17 Globemaster hi Tuting Advanced Landing Ground-a ṭum­tir a nih thu a sawi a, an tum anga tluang taka thil a kal thu leh pilot-te thlawhtheihna khalh thiam zia chu a fak bawk a ni.

Ramri inchuh laiah hian China-in kawngpui an siam vangin nikum June 16 aṭang khan Doklam-ah India leh China sipai-te chu ni 73 lai mai an inep a, August 28 thleng khan an inep a ni.

Report ṭhenkhat chuan tun thleng pawh hian Doklam hmar lamah China hian a sipai a la dah reng niin an sawi.