AP-ah Opium chinna hmun acre 103-a zau tichhia

Arunachal Pradesh chu ruihho laka fihlim state, drug free state-a siam tuma hman lakna security force-te chuan March 9-12 chhung khan Lazu circle district Tirap chhunga Lazu, Sanliam, Raho leh Longlem thingtlang khaw chhehvelah opium siamchhuahna, poppy chinna hmun an tichhia.

Security force-te hi Arunachal Pradesh Police-ten ṭanpuiin NGO leh NCB-te pawhin an ṭanpui bawk.

Opium chinna hmun an tihchhiat zawng zawng belhkhawm hi ram acre 103.42 vel a ni a, tunhnai ni li chhung khan heng opium siamna hmun te hi an hal a ni.

Hemi rual hian Lau bialah hian mipuite, a bikin ṭhalai/rawl­thar te kohkhawm niin drug abuse chung­changah awareness campaign an nei nghal bawk.