Assam Assembly-in Yoga Council Bill a pawm
Assam Assembly chuan Nilaini khan yoga zirtir leh practice dan chungchanga khuahkhirhna siamna tur Assam Yoga Council bill chu a pawm.
He bill hi ‘The Assam Yoga Council Bill, 2018’ tih niin legislator-te hian an pawm a, statutory body-a siamna tur kawng sialtu a nih beisei a ni.
Health Minister Himanta Biswa Sarma chuan bill chungchang hi ziaka dahin Yoga Council Assam-a din a hun tawh thu leh Yoga leh Naturopathy sector-a inkhuahkhirhna tur dan mumal siam a hun tawh thu a ziak.
Yoga Council chu hmansual a nih loh nan fimkhur taka din a nih dawn thu leh Yoga institution-te chu medical healthcare him leh rintlak tak an din theihna tur a nih thu a sawi bawk.
Sarma chuan Council chuan Yoga zirna institution-te chu affiliation leh accreditation a pe theiin a laksak thei dawn bawk niin a sawi.