NIT-Agartala zirlai paruk Ragging vangin suspend

National Institute of Technology (NIT), Agartala zirlai, ragging-a inhnamhnawih senior pahnih chu suspend an nih thu leh midang pali lakah pawh action lak a nih thu Nilainia official thuchhuah chuan a tarlang.

NIT-Agartala, Students’ Welfare Dean Rajsekhar Panua chuan zirlai junior zawkte an ragging avangin 8th Semseter zirlai pahnih chu an zirna aṭanga chawlhtir hrih an nih thu a sawi a, midang pali-te pawh Rs 5, 000 chawitir an nih thu leh heng zinga pathumte chu hostel aṭanga chhuahtir an nih thu a sawi.

Panua kaihhruaina hnuaia awm anti-ragging committee of NIT-Agartala chuan ragging chungchanga complaint awm an chhuizui hnuah heng mi parukte chungah hian action an la ta a ni.

NIT- Agartala official pakhat chuan March 9 zanlaiah khan senior student ṭhenkhat chuan an junior ṭhenkhat chu hostel pawnah ko chhuakin nasa takin an sawisa niin a sawi. Official chuan heng zinga mi, Arunahcal Pradesh naupang, Dui Duji chuan hliam na tak a tawrh thu leh damdawi inah pawh hruai a nih loh thu a sawi. Duji hian a chhungte a hrilh hnuah chauh damdawi inah hruai a nih thu sawi a ni bawk.