Tripura : CPI-M Legislature Party Leader tur Manik Sarkar

Tripura Chief Minister hlui Manik Sarkar chu Communist Party of India- Marxist (CPI-M) Legislator party member 16 hotu atan thlan tlin a ni a, Tripura Assembly-a eptu pawh hruaitu ber a ni thei dawn tih Ningani khan CPI-M official chuan a sawi.

Health Minister hlui Badal Choudhury chu a deputy tur atan thlan a ni bawk niin CPI-M hruaitu Hiripada Das chuan a sawi bawk.

Das chuan Nilaini zan khan CPI-M MLA thar te hian Education Minister hlui Tapan Chakraborty chu Chief Whip atan an thlan thu sawiin, Deputy Chief Whip atan Pravhat Choudhury chu thlan a ni bawk tih a sawi.

Tripura Assembly Legislator-te hian Ningani khan Assembly member ni turin rinawmna thu an tiam vek tawh a, hetih lai hian Deputy Chief Minister tur Jishnu Debbarma erawh Charilam constituency-a inthlan result an la puan dawn chauh avangin lakluh a la ni ve lo a, inthlana hnehna a chan thu hriat a nih hnuah nimin khan rinawmna thu tiamtir ve turin ruahman a ni.

March 23 hian session thara Tripura Assembly hmasa ber neih a ni ang.