Meghalaya inthlan nan Assam-a school-te hman an ni : Congress MLA

Assam Congress MLA Nandita Das chuan Ningani khan Assam-a Kamrup district chhunga Lampi khuaa school pathumte chu Meghalaya Assembly inthlan neih zawh takah khan vote thlakna, polling station atan hman a nih thu a sawi.

Assam Assembly neih mekah Nandita Das chuan Lower Lampi LP School, Khatapara LP School leh Umtap UP School-te chu February 27-a Meghalaya inthlanah khan polling station atan hman a nih thu a sawi a, thuneitu leh police-te pawhin complaint awm mah se an en liam mai mai niin a sawi bawk.

Assam chhung, km 9 laia awm a nih bawk avangin thil mak tak a nih thu a sawi a, heng polling station pathumah hian vote 650 a tla niin a sawi bawk.

Das chuan sorkar chu ramri ngaihsak tawk lohah puhin Lampi ramri phei chu an ngaihthah zual niin a sawi a, tun dinhmunah hi chuan Meghalaya lam hian dan ang takin Assam ram hi neihsak thei dinhmunah an ding tih a sawi. Assam sorkar chu an harhchhuah a hun tawh tih a sawi a ni.