Assam-in school hawn tum ṭhulh leh

Assam sorkar chuan vawiin, September 1 aṭanga school hawn a tum chu a ṭhulh leh.

Education department chuan Thawhṭanni khan school hawn ṭan tura tih hi ṭhulh leh a ni tih sawiin, hei hi zirlai, vaccine la lote hriselna dinhmun an ngaihtuah vang a ni tih a sawi. Health department lam chuan engmah sawi lo mah se state education department zawk chuan an ngaih a la ngam thei rih lo tih official chuan a sawi.

State chhunga Covid-19 hri kai thar nitin mi 500 chuang an la awm a, hei vang hian nghah leh rih phawt an tum ta niin a sawi a ni.

Thawhṭanni khan state education minister Ranoj Pegu chuan All Assam Students' Union leh indigenous organisation hrang hrang aiawhte kawmin, education sector siamṭhat dante an sawiho.

Education department hian a hmain September 1 aṭangin Class 10, 12 leh final-year degree course-te chu kal ṭan turin a lo ti tawh a ni.