Tripura : Covid-19 laka inven dan zirtirin CM-in door-to-door campaign nei

Tripura chief minister Biplab Kumar Deb chuan tunlaia hri leng, Covid-19 laka inven dan zirtirin, Thawhṭanni aṭang khan ramri bial, Unakoti district-a Kailashahar area-ah door-to-door campaign a nei. 

Chief minister hian hri leng chungchanga inzirtirna lehkha a sem bakah, a darh zel tur venna kawnga mipuite tihturte a hrilh nghal a ni. Deb chuan an state-ah Covid-19 kai hi hmuh la ni lo mah se, lo fimkhur lawk chu thil pawimawh a nih thu a sawi a, invawnfai chu ngai pawimawh a, khawi hmun pawh thianghlim taka enkawl turin a chah. "State sorkar chuan invenna kawng khat atan school, college leh zirna in dangte bakah, cinema hall, gymnasium leh swimming pool-te pawh March 17 aṭangin March 31 thleng atan a khar vek a ni," a ti. Hei bakah hian mi panga aia tam punkhawm khapna thupek pawh tihchhuah a ni bawk. 

"Tripura nena inri, Bang­ladesh ramah pawh he hri kai hi hmuh an nih tawh avangin ramri pawh uluk lehzuala veng turin BSF-te  pawh hriattir an ni," tiin Tripura chief minister Biplab Kumar Deb chuan a sawi.