Nagaland police-te screening neih dan training pe dawn

Nagaland chuan police-te chu state pawn lam aṭanga an state-a lutte endikna, screening neihsak dan tur training pek an ni dawn tih a sawi. 

Nagaland Post-in Dimapur rel station-a rel passenger-te Covid-19 screening neih sak a ni lo tih a report avangin Thawhlehni khan health and family welfare (H&FW) department chuan Special Action Group committee a ko nghal.

Covid-19 nodal officer Dr Nyan Kikon chuan kawngpui leh rel kawnga entry leh exit point zawng zawngah screening ṭha zawka kalpui a nih theih dan ngaihtuahin police-te pawh meeting neihpui a nih thu a sawi. Screening neih dan tur inzirtirin police-te hi training pek an ni dawn a ni, a ti. 

Police duty-te hi thermal scanner pek vek an ni dawn tih a sawi bawk.