Meghalaya CM in PM hmu
Meghalaya Chief Minister thar Conrad Sangma chuan Inrinni khan Prime Minister Narendra Modi chu New Delhi-a a chenna inah hmuin, an state in harsatna a tawh hrang hrang te a sawipui.
Meeting hi minute 25 vel an nei a, Chief Minister chuan Prime Minister chu a hmalakna hrang hrang avangin a fak a ni.
Sangma chuan Meghalaya in sum lama harsatna a tawh thu sawiin, sorkar laipui chu a chinfel dang kawng zawnpui turin PM hnenah hian a ngen nghal a, Meghalaya in state a nih kum 50-na leh National Games inrual chungchang pawh sawipuiin a ṭha thei ang bera lawm an duh thu pawh a hrilh niin a sawi bawk.
National Games an thlen tur chungchangah pawh CM chuan tourism, urban affairs, roads infrastructure, water supply-ah pawh nasa taka pui turin PM chu a ngen nghal bawk a ni.
Assam nena hun rei tak ata tawh ramri buaina an neih chungchang pawh hrilhin a chinfel dan ngaihtuah pui turin a sawm bawk.
He meeting-ah hian Minister for PWD (Roads), Prestone Tynsong, Health Minister A. L. Hek, Transport Minister Sniawbhalang Dhar, Sports and Youth Affairs Minister Banteidor Lyngdoh-te pawh telin Chief Minister hi an ṭawiawm a ni.