KSC-in hand sanitizer siam

Nagaland-a hand sanitizer lei tur a van chhoh zel avangin Kohima Science College (KSC), Jotsoma-a zirlai leh zirtirtute chuan World Health Organisation (WHO) in a duan angin hand sanitizer an siam. Hand sanitizer an siam hi Naga Hospital Authority, Kohima (NHAK)  hnenah litre 15 an pe nghal a ni.

NHAK managing director Dr Thorhusie Katiry chuan KSC te thiltih chu lawmawm a tih thu sawiin, hri leng mek avanga an mamawh, hand sanitizer an siam chu an ngaihtuah ṭha hle tih a sawi. State chhunga hand sanitizer indaih lohna a nasat chhoh zel avangin an thiltih hi chhunzawm zel tur leh, hun lo kal zel turah thawh hona ṭha tak an neih zel a beisei thu a sawi.