Nagaland in Chief Secretary thar nei

Nagaland Addl. Chief Secretary & Finance Commissioner, Temjen Toy chu Pathianni khan Nagaland Chief Secretary charge hlan a ni.

Chief Secretary kal chhuak, Pankaj Kumar thlahna inkhawm Sec­retariat Plaza, Kohima-a neih a nih zawh hnuah Temjen Toy hi charge hlan a ni ve leh nghal a, Kumar hi Additional Secretary, Ministry of Electronics and IT, Government of India charge hlan a ni thung.

Kumar chuan kaldan phung pangngaiah chuan a batch mate R.B Thong chu a aiawh tur a nih thu sawiin Thing hi a dam ṭhat loh avangin Temjen Toy hian charge hi a lak tak thu a sawi.

Temjen Toy chu a taka che chhuak ṭhin mi a ni tih sawiin, officer ṭha tak leh inpe zo tak a nih thu a sawi. Darkar 24/7 chhung a inpek ṭhin thu sawiin kalkhawm mipuite chu ṭha taka thawhpui turin a chah nghal bawk.