Arunachal mi-in UN peacekeeping medal 2018 dawng

Arunachal Pradesh mi Jumken Ruti chu United Nations Peacekeeping medal hlan a ni.

Ruti hi Lower Siang district chhunga Kangku biala Borajan thingtlang khaw mi niin 5th Assam Regiment-a computer operator hna chelh lai a ni a, United Nations Inte­rim Force in Lebanon (UNIFIL)-ah post mek a ni.

Head of Mission leh Force Commander Head of Mission leh Force Commander ni bawk, Major General Michael Beary chuan South Lebanaon-a Naqoura-ah March 6 daih tawh khan he chawimawina hi a hlan tawh niin report chuan a tarlang.

UNIFIL hi 1978-a din niin Palestinian Liberation Organization (PLO) in Israel territory a beih hnua Lebanon chhim lam an beih leh vak hnu lawka din kha a ni a, India pawhin 1998 aṭang khan sipai battalion khat a dah ve a ni.

South Lebanaon-a Naquora-ah hian tun din­hmunah India hian level II hospital, peacekeeper 650 leh staff officer 23-a dah mek.

Ram hrang hrang 41 aṭangin helai hmunah peacekeeper 10, 500 an awm mek bawk.