Assam : Pobitora Wildlife Sanctuary-ah Samak 102 awm

Assam-a Pobitora Wild­life Sanctuary-a chhiar­pui hnuhnung berah khan samak 102 an awm thu Pathianni-a official thuchhuah chuan a tarlang.

Samak ki khat nei awm zat hi he sanctuary-ah hian kum ruk hnuah neih leh chauh a ni.

Divisional Forest Offi­cer, Wildlife Divi­sion-Guwahati, P Boruah chuan sq km 48-a zau Pobitora Wildlife Sanc­tuary-ah hian samak 102 an awm thu a sawi a, helai hmun hi samak ki khat nei khawvela an awmkhawm tamna ber a nih thu a sawi.

Kum ruk kalta chhung khan a ruka sa pel mi ten sanctuary-ah hian samak paruk an kahhlum thu sawiin a dang 20 chu thildang vanga an thih thu a sawi bawk.

Boruah chuan 2017 khan tuilian nasat avangin sanctuary chuan nasa taka buaina a tawh thu sawiin tulianin a tihchhiat te hi an siamṭhat hnuah tourist tam takin an tlawh leh tawh thu a sawi a ni.