Assam Civil Service Officer pakhat suspend

Assam Civil Service Officer Avisika Baruah chu Rakesh Kumar Paul-a Assam Public Service Commission chairman a nih hunlaia hna hmuh nana thamna sum pea rinhlelh a nih avangin Thawhṭanni khan suspend a ni.

Hemi chungchang hi Thawhṭanni khan Assembly-ah sawichhuah niin suspend hrih tura thutlukna siam a ni ta a ni.

ACS scam-ah hian kum kalta lamah khan officer eng emaw zat chu an hna aṭanga suspend leh ban te an ni tawh hlawm a, APSC chairman hlui Rakesh Kumar Paul pawhthubuai siamsaka man a lo ni tawh bawk.ACS scam-a buaina tawkte hi an exam paper forensic department-ten an enfiah hnuah an answer paper-a kutziak hi an kutziak nen a inmil lo tih hmuhchhuah a ni. Hemi kaihhnawihah hian ACS leh APS 20 chuang lai thubuai siamsaka man an lo ni tawh bawk a ni.