Assam Electricity Tariff April aṭangin 14 paise/unit-ah tlahniam dawn
Thla leh aṭang hian Assam-ah electric hman man chu 2% velin a tlahniam dawn.
Assam Electricity Regulatory Commission (AERC) chuan an thuchhuah siamah electric hman man chu 20-30 paise/ unit-a a tlak hniam dawn thu sawiin Commission chuan category hrang hranga fixed/demand charge a tihsan hret thu an tarlang a, hei hian tuna tariff hman lai mek aiin a chawhrualin 2 % (14 paise/unit) tariff hi a tlahniam dawn tih an tarlang.
AERC chuan Jeevan Dhara segment tana energy charge chu 10 paise a nih dawn thu an sawi a, vantlang in enna an neihna tur atan erawh 50 paise/unit cut a ni dawn thung tih an sawi.