P&AR dept hriattirna tihchhuah chungchangah RPP-in Gauhati High Court-ah PIL an thehlut

Nagaland-a Rising People's Party (RPP) chuan Personnel & Administrative Reforms (P & AR) deparmtent-in department 76-te 'deparmental exa­mination' buatsaih tura thuneihna a pek avangin Gauhati High Court-a Khoima Bench-ah Thawhlehni khan public interest litigation (PIL) an thehlut.

P&AR department hian July 16 khan department-te hnenah thuneihna a pek chungchang hriattirna a tichhuak a ni.

RPP chuan he hriat­tirna tihchhuah hi sut leh tura phutin, state sorkarin an ngenna a ngaih pawimawh loh avangin High Court thlen a ngai ta niin an sawi.

Department-te hne­n­ah hna lak tharna tura 'departmental examination' buatsaih phalna pek an nih chuan an duhsak zawng leh a ruka hna lak theih a ni dawn tih an sawi. Hei vang hian dik taka hna lak kalpui a nih theihna turin Nagaland Public Service Commission (NPSC) leh Nagaland Staff Selection Board (NSSB) kaltlang chauha la turin an phut.