Meghalaya-in dam project titawp

Meghalaya sorkar chuan pressure group hrang hrangten dodalna an lantir hnuah 210 MW Umngot hydroelectric project thawhna tura private power developer nena inremna an siam chu a titawp.

Kum 2007 khan state sorkar chuan Umngot dam project siamna tur hian JP Group chu memorandum of understanding hi a ziahpui a ni. Kum 2020 khan an inremna siam hi a tawp tawh nia a sawi hnuah kumin April thla khan state sorkar hian public hearing neih a tum leh avangin pressure group intelkhawm, Joint Action Committee (JAC) chuan hma lak thar a tum leh nia ngaiin an dodal a ni.

Umngot hydroelectric project siam tum hi West Khasi Hills district chuan hnuai lama awmte chuan an duh lo hle a, dam siam hian Shnongpdeng, Darang, Dawki leh Bangladesh ramri hrul vela tourism industry thlengin a nghawng dawn nin an sawi.