Tripura CM in Rajnath meeting neihpui

Tripura Chief Minister Biplap Kumar Dep leh Deputy Chief Minister Jishnu Deb Burman-te chuan Thawhlehni khan Home Minister Rajnath Singh chu Delhi-ah hmuin state chhunga venhimna kalpui dan chungchang bakah thil pawimawh eng eng emaw an sawipui.

Hei hi Tripura-a BJP in kum 25 chhung rorel tawh Left Front hneha sorakrna an siam hnua CM Dep-an Delhi a tlawhna hmasa ber a ni.

Home ministry official chuan Deb hian Home Minister hnenah hian state chhunga dan leh thupek kalpui a nih dan a hrilh niin a sawi.

Chief Minister leh Dy. CM hian Prime Minister Narendra Modi pawh an hmu nghal a, Lok Sabha Speaker Sumitra Mahajan-an ‘Gudi Padwa’ leh ‘Ugadi’puala MP-te tan chawchhun a buatsaihah pawh an tel a ni.

Delhi-a an cham chhung hian Deb leh Jishnu hian Finance Minister Arun Jaitley pawh an lo hmu tawh bawk a, sum leh paia harsatna an tawh thu pawh an lo hrilh tawh bawk.Biplap Deb hian Prime Minister Special Package cheng vaibelchhe 350 an beisei thu Thawhṭanni khan a lo sawi tawh a ni.