Tripura Sorkar in IT Sector-ah Hna siam tam a tum

Regional IT Hub-a Tripura siam tumna kawnga hmalakna atan state-a sorkarna siam thar Bharatiya Janata Party (BJP) chuan National Institute of Technology (NIT), Agartala bakah state chhunga technical institution zawng zawngah campus interview buatsaih turin ruahmanna an siam.

IT Minister Sudip Roy Barman chuan heng campus interview kaltlanga engineer thanchhuah te chu Bangalore, Pune, Chennai leh IT sector lama hmun larah te sorkar sponsorna hnuiah training turin an thawn dawn tih a sawi.

Training an neih zawhah Tripura-ah koh let leh an nih dawn thu sawiin, kum nga tal master trainers anga an thawh tir dawn thu a sawi bawk. He an ruahmanna pawmtute nen hian inremna pawh an ziak dawn niin a sawi a, IT professional thar an piang dawn niin a sawi a ni.

Minister chuan an hmalakna anga thil a kal a nih chuan sorkar bakah enterprenuership pawhin an hlawkpui dawn tih a sawi.

Nikum April thla khan Tripura hian cheng vaibelchhe 50 senga an siam IT Development park an lo tlangzarh tawh bawk a, mahse he park-ah hian tun thlengin thil lian tham buatsaih a la ni lo.