Sorkar laipuiin Tripura-ah Rs. vbch 2, 587 invest dawn : Dep
Tripura Chief Minister Biplap Kumar Dep chuan Nilaini khan sorkar laipuiin Tripura-ah sum cheng vaibelchhe 2, 587 scheme leh project hrang hrang kalpui nan an invest dawn tih a sawi.
Kumar Dep leh Deputy Chief Minister Jishnu Debbrama-te hi ni hnih chamin Delhi-ah an zin a, an cham chhung hian President Ram Nath Kovind, Prime Minister Narendra Modi, Home Minister Rajnath Singh, Finance Minister Arun Jaitley, Development of North Eastern Region Minister Jitendra Singh leh minister pawimawh dang te hmu in Tripura in sum lama harsatna a tawh te an sawipui a ni.
Dep chuan national capital-a ni hnih a cham chhungin Central minister 12 aia tam a hmuh thu sawiin Tripura in harsatna a tawh hrang hrang bakah central scheme hrang hrang kalpui a nih dan tur a sawipui thu a sawi a, minister a hmuh te chuan urban, rural leh educational scheme leh project state chhunga kalpuina atan cheng vaibelchhe 2, 587 invest an tiam tih a sawi.
Heng scheme leh project-te hi kalpui a nih chuan state chhunga ṭhalaite tan hna thar 12, 200 vel siambelh theih a ni dawn tih a sawi bawk.
Deb chuan sorkar hmasa Left sorkar khan Mahatma Gandhi National Rural Employment Guarantee Act leh central scheme tam tak, cheng vaibelchhe tel senna te chu an kalpui ṭhat loh thu a sawi.