Nagaland-in 2030-ah 100% ziak leh chhiar thiam nih tum

Nagaland sorkar chuan kum 2030-ah an state chu ziak leh chhiar thiam 100% awmna nih tir a tum a, hemi atan hian Anganwadi centre leh early childhood education lamah ṭan laka a, tihchak a tum a, infrastructure-te pawh tihchangtlun a tum.

State literary rate hi 79.55% a ni mek a ni.

Chief minister Neiphiu Rio chuan Nagaland SDG Vision 2030 – Leaving no one behind chu tunhnaiah a tlangzarh a, hetah hian sustainable development goals (SDG) 17 atana hmalakna hrang hrang an duante tarlan niin, hetah hian quality education pawh telh a ni bawk.

Document-ah hian zirna huam leh rintlak zawk pekna tura ruahmanna te tarlangin, vocational training lam pawh ngaih pawimawh a ni dawn tih an sawi. Anganwadi centre leh school-te pawh changtlung zawka kalpui tum a ni a, Right to Education Act 2009 in a huam tel loh pre-primary class-te chu ngaih pawimawh tel an ni bawk ang.

Department of School Education chuan kum 10 chhungin early childhood education kalpui a rawt a, hetah hian early education (D.El.Ed) diploma nei zirtirtute chu chhawr an ni dawn tih a sawi.

Sorkar chuan zirlai leh zirtirtuten an chhawr turin state-level Human Resource Development Centre a din dawn a, higher leh tehnical education level-te chu a theih angin digital form-ah kalpui chhoh tum a ni bawk ang.

Vision document-ah hian Nagaland sorkar chuan state chhunga thingtlang khaw tinah school din chu a ngaih pawimawh thu a sawi bawk. State sorkar hian kum 2018-2019 chhung khan school education atan hian Rs vbc 1,232.94 a seng a ni.