AP : NEIGRIHMS bulah damlote tan guest house siam dawn

Arunachal Pradesh sorkar chuan Meghalaya khawpui, Shillong-a North Eastern Indira Gandhi Regional Institute of Health & Medical Sciences (NEIGRIHMS) bulah an state aṭanga damlo kalte tan Guest House a siam dawn.

Guest House siamna tur hian AP sorkar chuan Tirot Sing Sun chu inremna a ziahpui a ni. Guest House atan hian Sun building, Hotel Regalia chu luah a ni dawn a, damlote hian man chawiin an luah chhawng thei dawn a ni. Room 25 awmin reception area, kitchen, dining leh parking space-te pawh a awm a, ei tur order theih a nih bakah room luahten rawng an inbawl hran duh pawhin rawngbawlna tur siam tel a ni bawk.

State sorkar chuan guest house-ah hian NEIGRIHMS-a inekawl tura kal damlo leh anmahni hruaitute chauh an awm thei dawn tih a sawi a, October 1 aṭangin hman ṭan theih a ni ang.