Assam Board-in Class 9 leh 10 Syllabus titlem

Board of Secondary Education, Assam, (SEBA) chuan hri leng vanga hun rei tak zir kalphung pangngai kalpui a nih loh avangin academic sesison 2021-22 atan Class 9 leh 10 syllabus a titlem.

SEB chuan hemi chungchangah hian thuchhuah siamin, hri leng vanga zirna a bahlah rei avangin hun tam tak an hloh a, hei vang hian syllabus pum zir chu zirlaite leh zirtirtute tan a hautak dawn avangin Class 9 leh 10 zirlai 40% a tihtlem a nih thu a sawi.

Hemi rual hian syllabus tihtlem chu academic session 2021-22 examination bik atan chauh a ni tih sawiin, zirlaite hmakhua ngaiin zirtirtute chu hun an neih chuan course pum chu zirtir tho turin an chah.

Council for Indian School Certificate Examinations (CISCE) pawhin kum 2022 atan ICSE (Class 10) leh ISC (Class 12) syllabus pawh a lo titlem tawh bawk a ni.