Nagaland : HC-in department 76 hna lakna thuneihna pek titawp

Gauhati High Court-a Kohima Bench chuan Nagaland sorkarin department 76-te hnena departmental exam buatsaih tura thuneihna a pek chu a titawp.

State sorkar hian department-te hnena hna lakna tura thuneihna a pek chungchangah hian Rising People's Party (RPP) chuan court-ah public interest litigation (PIL) an thehlut a ni.

Department-te hnenah hna lak tharna tura 'departmental examination' buatsaih phalna pek an nih chuan an duhsak zawng leh a ruka hna lak theih a ni dawn tih an sawi. Hei vang hian langtlang leh dik taka hna lak a nih theihna turin Nagaland Public Service Commission (NPSC) leh Nagaland Staff Selection Board (NSSB) kaltlang chauha la turin an phut.

Court chuan RPP PIL thehluh hi a ngaihtuah hnuah state sorkarin thupek tihchhuah hi a tihtawp sak ta a ni.