Tripura in Interim budget atan Rs vbch 4,057.19 pawm ; Assembly-a vawikhatna turin National Anthem an Play

Tripura assembly session neih mekah, Deputy Chief Minister Jishnu Devbarman chuan Zirtawpni khan thla thum chhung atana hman tur, vote-on-account-a cheng vaibelchhe 4,057.19 pawm a nih thu a tarlang.

Tripura sorkar thar chuan budget puitling siamna tur hun an neih loh tih sawiin, Devbarman chuan BJP-Indigenous Peoples Front of Tripura (IPFT) sorkar chuan oath of office and secrecy March 9-a an lak chauh thu leh budget puitling duanna hun an la neih loh thu a sawi.

Devbarman chuan sorkar hmasa Left Front sorkar in rua­hmanna mumal nei loa pawisa an hman thu leh hemi avang hian financial liability cheng vaibelchhe 11, 355.53 a awm thu a sawi bawk. Zirtawpnia Assembly session-ah hian a vawikhatna atan Assembly-ah hian hnam hla, national anthem play a ni bawk a, Speaker thlanna neih nghal niin BJP Legislator Rebati Mohan Das chu thlan tlin a ni.

National Anthem hi session ṭan velah play niin play chhung hian minister, member, official, jour­nalist-te leh session chhim tute chu zahna lantir nan an ding a ni. Assembly Secretary Bamdeb Majumder chuan session neih chhung chuan nitin play an tum tur thu a sawi bawk.

Majumder chuan ramchhung hmun danga Assemly session-ah National Anthem an play ṭhin em tih a hriat loh thu a sawi. Communist Party of India-Marxist legislator Badal Chou­dhury erawh chuan hemi chung changah hian eptu lam an rawn lo tih a sawi thung a ni.