Tripura-ah Natural Gas hmuchhuak

Tripura-a Khowai District chhunga Tulashikar block-a Laban Chara-ah Natural Gas hmuhchhuah a nih thu district official-te chuan an sawi.

Tualchhung mi pakhat chuan thingtuah tur zawnga khaw daia a kalnaah lungpui hmaa tui tling aṭanga phuan lo chhuak a hmu a, khawchhung thuneitute hrilh vatin anni hian thuneitu sang zawkah an thlen nghal a ni.

Sorkar official ṭhenkhat, Dis­trict Magistrate Sandeep Mahatme leh ONGC official-te chuan In­rinni khan gas hmuhchhuahna hmun hi tlawhin darkar eng emaw chen an zirchian hnuah gas hmuhchhuah a nih thu hi an sawi.

District Magistrate Sandeep Mahatme chuan Natural gas chu hmuh chhuah a nih ngei thu leh Tri­pura mai bakah hmarchhak tana thu lawmawm a nih thu a sawi a ni.