Nagaland CM in Deficit Budget Rs vbch 1,630.67 tlangzarh

Nagaland Chief Mi­nister Neiphiu Rio chuan Zirtawpni khan kum 2018-19 atana deficit budget cheng vaibelchhe 1,630.67 a tlangzarh a, sorkar policy, project-te leh programme-te hlawhtling taka kalpui a nih theih nan hmalak dan tur endik tur pawh an ruat dawn thu a sawi.

People’s Democratic Alliance sorkar hnuaia budget hmasa berah hian Rio chuan total receipt cheng vaibelchhe 18,232.51 ruahman a nih thu sawiin cheng vaibelchhe 18,305.40 chu hmanral tura ruahman a nih thu a sawi bawk.

Rio chuan negative ba­lance (deficit) a awm chhan chu 2017 Pay Revision neih a nih dawn vang tih sawiin, hemi avang hian an phur pawh a rit dawn hle tih a sawi.

Finance portfolio chang tu ni bawk Rio chuan deve­lopment expenditure cheng vaibelchhe 4552.36 ruahman a nih thu sawiin heng zinga cheng vaibelchhe 3,567.36 chu Central-sponsored Schemes (CSS) a nih thu a sawi a ni.