AP CM in Colonel Sharma hnenah chawimawina hlan

Arunachal Pradesh Chief Minister Pema Khandu chuan Inrinni khan Tawang-a 6th Grenadiers Commanding Officer Colonel Gagan Sharma hnenah lawmthu sawina lehkha leh chawimawina thuziak, citation a hlan.

Colonel Sharma hian district administration-a nasa taka a puih avang leh kum kalta Sept. thlaa Maitree Diwas-a buatsaih avang­in lawmthu sawina hi hlan a ni.

Chief Minister chuan Colo­nel Sharma chu ram tana a hnathawh avanga chhuanawm a tih thu sawiin, Arunachal mipuite tana nasa taka a thawh avang leh inlungrualna leh boruak muanawm tak a thlen avangin lawmthu a hrilh nghal bawk.

Chawimawina thuziak a hlan hma hian Chief Minister hian Shungetser dil bula Army cafetaria a hawng a, he hunah hian Tawang MLA Tsering Tashi pawh a tel a ni.

Chief Minister hian ramria cheng 6th Grendiers Army Jawan-te leh Gorkha Rifles-te kawmna hun a nei bawk a ni.