AP-in agriculture lama intodelhna tur scheme 2 tlangzarh

Arunachal Pradesh chief minister Pema Khandu chuan agriculture lama an intodelh theihna tura scheme pahnih siam chu Zirtawpni liam ta khan a tlangzarh.

Scheme pahnih siamte hi agriculture department tan 'Atma Nirbhar Krishi Yojna' leh horticulture department tan 'Atma Nirbhar Bagwani Yojna' te an ni.

Heng scheme-te hi kumin February thlaa Budget session-a lo puan tawh, Atma Nirbhar programme pengte an ni. Department pahnih tana scheme siamah hian cheng vaibelchhe 60 ve ve dah a ni.

CM chuan department pahnihte chu an state a ramte chu a tangkai leh hlawk thei ang ber hmang thiam turin a chah. "Official record-a a landanin, kan state-ah hial thil chin theihna ram hectare nuai 25 dawna zau a awm. Mahse tunah hian hectare nuai 3.5 vel chauh hi kan hmang. Hei vang hian kan ram ruakte hi kan hmang tangkai a ngai a ni," a ti.

Bagwani Yojna hi thei lam chi - apple, kiwi, orange, acrenut, walnut leh persimmon chinna atana duan niin, Krishi Yojna hi scientific land terracing, tea, rubber, double cropping, farm mechanization, buckwheat cultivation leh apiculture atana siam a ni thung.