Manipur loneituten nawrh huaihawt

Manipur-a loneitute chuan sorkar warehouse-ah leichi, urea fertilizer a awm loh avanga lungawi loin nawrh an huaihawt.

Kaching district-a loneitute chuan state agriculture minister U Lukhoi chuan district chhung loneitute hnenah an mamawh zat urea fertilizer sem a nih thu a sawi chu an lawm lo hle tih an sawi. Fertilizer hi an dawn loh thu leh, tu hnenah nge semchhuah tura pek a nihte sawichiang turin an phut. Sorkar chuan loneitute chu politics khelhna hmanruaah hmangin, an harsatnate ngaihven pui siloah an puh.

State chhunga hmun hrang hranga lonetiute chuan Kharif season a inṭan chhoh tawh avangin fertilizer an mamawh tawh tih sawiin, chief minister N Biren Singh leh agriculture minister-te chuan a awm thu an sawi reng chungin tun thlengin an la dawng lo a, black market lamah pawh lei tur a awm lo tih an sawi.