Amit Shah-an Assam BJP hruaitute inbuatsaih turin hrilh
Bharatiya Janata Party (BJP) president Amit Shah chuan Pathianni khan Assam-a an party hruaitute chu 2019 Lok Sabha inthlanpui neih tur atana inbuatsaih ṭan turin a chah a, hma la ṭan tura hrilhin mipui, grassroot level aṭanga hma la ṭan turin a hrilh.
Shah chuan BJP Assam Unit core committe-te chu district hrang hrang tlawh tur tur te, hmarchhak state hrang hranga an party dinhmun tichak turtein a hrilh bawk. Panchayat inthlan neih leh tur atana an manifesto-te mipuite hnena hriattir a hun tawh thu sawiin, sorkar scheme-te grassroot level-ah nghawng a nei em tih hriat a ṭul thu a sawi.
State BJP chief Ranjit Kumar Das chuan Amit Shah-an 2018-19 Parliament inthlan tinzawn a hun tawh thu a sawi tih tarlangin state chhunga party dinhmun tihchak a hun tawh thu a sawi tih a sawi a ni.
Amit Shah hian Inrinni leh Pathianni khan Assam hi a tlawh a, Pathianni khan Guwahati-a Kamakhya temple a tlawh a ni.
Chief Miniter Sarbanada Sonowal chuan minister-te bakah MP leh MLA-te, booth leh mandal committee president-te bakah district tina party hruaitute chu core committee-a an tel thu a sawi.
Assam-a hmasawnna thlen dan tur an sawi thu tarlangin CM chuan panchayati raj system-te pawh tihchak zel an tum thu a sawi bawk.